Шок за ДПМНЕ! Потомците на војводите Мише Развигоров, Борис Дрангов и Кузман Шапкарев со Заев и Стево, а ДПМНЕ се колнат во нив!

Loading...

Бугарскиот Културен Клуб-Скопје одбележа 11 години од основањето

Заедничка е  взаемната заложба за создавање реални услови за искажување на културниот идентитет и индивидуалните права на сите наши граѓани

Скопје, 13.04.2019: Бугарскиот Културен Клуб-Скопје (БККС) денес одржа пригоден настан по повод одбележувањето на 11 години од основањето.  На настанот свои обраќања имаа претседателот на БККС Лазар Младенов, Н.Е. Амбасадор на Р. Бугарија во Р Северна Македонија, Ангел Ахгелов, претседателот на  Владата на Р. Северна Македонија – Зоран Заев, поранешниот Претседател на Р. Бугарија – Росен Плевнелиев и Стево Пендаревски, кандидат за претседател на Р. Северна Македонија.  Со видео пораки присутните на свеченоста ги поздравија и европратеникот од Република Бугарија Андреј Ковачев и Претседателот на Партијата на Европските социјалисти, Сергеј Станишев,

Премиерот Заев во своето обраќање потсети дека со Договор за пријателство, добрососедство и соработка помеѓу Република Северна Македонија и Република Бугарија покажаа дека таму каде што има политичка волја и идеја за прогрес, отворените прашања лесно се решаваат.

„Двете земји направија историски чекор напред. Го поставивме минатото како темел на иднината. Во договорот нема дилеми дека се работи за две држави, два народи и два јазици. Со договорот се определивме заедно да ја спречуваме недобронамерна пропаганда доколку се појави внатре во државите, заедно да бидеме против говорот на омраза и заедно да го поразиме национализмот“, потенцираше во своето обраќање Претседателот на Владата на РСМ Заев.

Премиерот Заев потоа додаде дека пријателството никогаш не било поголемо и постојано расте и се засилува, создадени се силни инструменти за надминување на недоразбирањата и градење на трајно сојузништво, и во надминувањето на недоразбирањата и во градењето и одржувањето на трајното пријателство значајна улога имаат и организациите на граѓаните во двете земји.

„Во таа насока Здружението на граѓани Бугарски културен клуб во нашата земја има значајно место. Тоа е јасно определено и во мисијата на здружението кое ја има за цел неопходноста од зближување и меѓукултурна толеранција на културите на соседните држави – Република Бугарија и Република Северна Македонија. Заедничка е и взаемната заложба за создавање реални услови за искажување на културниот идентитет и реализација на индивидуалните права во контекст на мултикултурното општество, како и афирмација на културните вредности и културните традиции на граѓаните на Северна Македонија кои се определуваат како Бугари“, истакна премиерот Заев и дополни дека Северна Македонија е силно посветена да гради и негува инклузивно општество во кое никој, ниту еден, нема да биде запоставен на единствениот пат до успешна, заедничка Република Северна Македонија, дом за сите, интегрирана во Европската унија.

На свеченоста по повод годишнината на Бугарскиот Културен Клуб-Скопје во нашата земја свое обраќање имаше и Претседателот на Управниот одбор на здружението, Лазар Младенов кој истакна дека темата за Бугарите во Северна Македонија не е веќе табу и дека веруваат во искрените настојувања за градење на едно општество за сите.

„Ние декларираните Бугари од Северна Македонија, во срце ја носиме нејзината државност, од почетокот на плурализмот до денес. Затоа што сме државотворни, излеговме на големиот митинг на опозицијата на 17 мај 2015 година, со клупските знамиња, со бугарското знаме, за да покажеме дека сме тука и  да кажеме дека не ни е сеедно што се случува во земјата! Без да условуваме, без да бараме нешто специјално, освен она што беше ветено, а еве сега веќе се остварува“, рече Младенов во својот говор.

На денешниот настан по повод годишнината на Бугарскиот Културен Клуб, како гостин присуствуваше поранешниот Претседател на Република Бугарија Росен Плевнелиев, кој, исто така имаше воја реч на свеченоста.

„Изминатите години се изнагледавме сценарија за делби. Република Северна Македонија беше изолирана и затворена во пропаганда што ја попречи прекрасната држава да оди напред. Сега на Балканот сите сме определени за мир. Тој мир е возможен само кога нациите се обединуваат и интегрираат. Така се случи и Западна Европа кога челниците и политичарите се држеа заедно. Затоа и вас ви посакувам да го сторите истото, да ја отворите државата оти имате многу да кажете“, нагласи во своето обраќање на настанот по повод годишнината на Бугарскиот Културен Клуб во Република Северна Македонија поранешниот претседател на Бугарија Росен Плевнелиев.

Стево Пендаровски ги поддржа активностите на Бугарскиот културен клуб во насока на зближување и толеранција на културите на двете соседни држави Република Бугарија и Република Северна Македонија:

„Во Република Северна Македонија треба да бидат промовирани и афирмирани вредностите и културата на различните народи кои тука живеат, меѓу кои и на припадниците на заедницата на Бугарите во Република Северна Македонија. Го поздравувам Договорот помеѓу Бугарија и Северна Македонија, тој е Европски договор кој ја отвара европската перспектива на нашата земја, но отвата и простор за зближување на двете држави и двата народи врз основа на заедничките европски вредности во кои веруваат“ истакна Пендаровски

Со видео пораки присутните на свеченоста ги поздравија и европратеникот од Република Бугарија Андреј Ковачев и Претседателот на Партијата на Европските социјалисти, Сергеј Станишев, кои ја истакнаа улогата на Република Северна Македонија во промоцијата на правата на сите заедници во земјата соодветно на стандардите на ЕУ, порачаа дека земјата има силна поддршка од Република Бугарија и од нејзините граѓани во напредокот на земјата во нејзините евро-атлантски аспирации.

loading...
You might also like